اسلام آباد (نیوز ڈ یسک )ملک بھر میں سونے کی قیمت میں ایک بار پھر اضافہ ریکارڈ کیا گیا ہے، جس کے بعد فی تولہ سونا 4 لاکھ 61 ہزار 936 روپے کا ہوگیا۔

آل پاکستان صرافہ جیمز اینڈ جیولرز ایسوسی ایشن کے مطابق سونے کی فی تولہ قیمت میں 2 ہزار روپے کا اضافہ ہوا ہے۔اسی طرح 10 گرام سونے کی قیمت 1,715 روپے بڑھ کر 3 لاکھ 96 ہزار 35 روپے پر پہنچ گئی۔دوسری جانب عالمی مارکیٹ میں بھی سونے کی قیمت میں نمایاں اضافہ دیکھا گیا،

جہاں فی اونس قیمت 20 ڈالر اضافے کے بعد 4 ہزار 395 ڈالر ہوگئی۔عالمی منڈی میں قیمت بڑھنے کے اثرات مقامی صرافہ مارکیٹ میں بھی نظر آئے، جس کے نتیجے میں پاکستان میں سونے کی قیمت میں اضافہ ریکارڈ کیا گیا۔