اسلام آباد (نیوز ڈیسک)پنجاب حکومت نے حضرت داتا گنج بخشؒ کے سالانہ عرس کے سلسلے میں 4 اگست کو لاہور میں مقامی تعطیل کا اعلان کر دیا ہے۔

اس حوالے سے باقاعدہ نوٹیفکیشن بھی جاری کر دیا گیا ہے۔ نوٹیفکیشن کے مطابق لاہور ضلع میں ڈپٹی کمشنر کے ماتحت کام کرنے والے تمام ضلعی سرکاری دفاتر اور متعلقہ ادارے 4 اگست کو بند رہیں گے، جبکہ اس روز ان دفاتر میں معمول کی سرکاری سرگرمیاں معطل رہیں گی۔

تاہم حکومت نے واضح کیا ہے کہ یہ تعطیل صرف ضلعی سطح کے اداروں تک محدود ہوگی۔ پنجاب سول سیکرٹریٹ اور دیگر صوبائی محکمے اس فیصلے سے مستثنیٰ ہوں گے اور وہ معمول کے مطابق اپنے دفتری امور سرانجام دیں گے۔

پنجاب حکومت کا کہنا ہے کہ مقامی تعطیل کا مقصد حضرت داتا گنج بخشؒ کے سالانہ عرس کے موقع پر ہونے والی مذہبی تقریبات اور عوامی انتظامات کو بہتر انداز میں یقینی بنانا ہے۔