اسلام آباد نیوز ڈ یسک) آئل اینڈ گیس ریگولیٹری اتھارٹی (اوگرا) نے جولائی کے لیے مائع قدرتی گیس (ایل این جی) کی فروخت قیمت میں نمایاں اضافہ کرتے ہوئے نئے نرخوں کا اعلان کر دیا ہے،

جسے اب تک کا سب سے بڑا اضافہ قرار دیا جا رہا ہے۔اوگرا کی جانب سے جاری نوٹیفکیشن کے مطابق ایل این جی کی سیل پرائس میں 6.45 ڈالر فی ایم ایم بی ٹی یو کا اضافہ کیا گیا ہے، جس کے بعد دونوں گیس کمپنیوں کے لیے نئی قیمتیں نافذ کر دی گئی ہیں۔

نئے ریٹ کے تحت سوئی ناردرن گیس پائپ لائنز لمیٹڈ (SNGPL) کے صارفین کے لیے ایل این جی کی قیمت 25.83 ڈالر فی ایم ایم بی ٹی یو مقرر کی گئی ہے، جبکہ سوئی سدرن گیس کمپنی (SSGC) کے لیے یہ قیمت 25.80 ڈالر فی ایم ایم بی ٹی یو رکھی گئی ہے۔حکام کے مطابق مشرقِ وسطیٰ میں جاری کشیدگی کے باعث عالمی توانائی مارکیٹ میں قیمتیں بڑھ گئیں، جس کے نتیجے میں پاکستان کو جولائی کے دوران اسپاٹ مارکیٹ سے پانچ ایل این جی کارگوز زیادہ نرخوں پر خریدنا پڑے۔اسی وجہ سے جون کے مقابلے میں جولائی کے لیے ایل این جی کی فروخت قیمت میں نمایاں اضافہ دیکھنے میں آیا، جس کا باضابطہ اطلاق اوگرا کے جاری کردہ نوٹیفکیشن کے مطابق کیا گیا ہے۔