لاہور( این این آئی)اگلے ماہ 2 وفاقی تعطیلات اور 10ہفتہ وار چھٹیوں کے ممکنہ موقع پر عوام کو مجموعی طور پر 12چھٹیاں ملنے کی توقع ہے۔

پاکستانی عوام کو اگست میں لگاتار 3 چھٹیاں منانے کا موقع مل بھی رہا ہے۔ کلینڈر ایئر کے مطابق رواں برس 14اگست جمعہ کے روز ہو گی جبکہ اگلے دو روز ہفتہ اور اتوار کو معمول کی تعطیلات ہوگی، یوں چھٹیوں کا جشن 3روزہ ہو جائے گا۔حکومت پاکستان نے سال 2026ء کے لیے سرکاری، بینک اور اختیاری تعطیلات کا باضابطہ نوٹیفکیشن جاری کر دیا ہے جس کے مطابق 25اگست بروز منگل عید میلاد النبی ۖکی سرکاری تعطیل ہوگی۔کلینڈر ایئر اور اور حکومت پاکستان کی جانب سے سال 2026ء کے لیے سرکاری، بینک اور اختیاری تعطیلات کے نوٹیفکیشن کے مطابق عوام کو مجموعی طور پر 12چھٹیاں ملنے کا قوی امکان ہے۔