اسلام آباد (نیوز ڈ یسک)بین الاقوامی مارکیٹ میں سونے کی قیمت میں کمی کے اثرات مقامی صرافہ بازار پر بھی دیکھنے میں آئے، جہاں آج سونے کے نرخوں میں نمایاں کمی ریکارڈ کی گئی۔

آل پاکستان صرافہ جیمز اینڈ جیولرز ایسوسی ایشن کے مطابق 24 قیراط فی تولہ سونے کی قیمت میں ایک ہزار 800 روپے کی کمی ہوئی، جس کے بعد فی تولہ سونا 4 لاکھ 35 ہزار 636 روپے کا ہو گیا۔اسی طرح 10 گرام سونے کی قیمت بھی ایک ہزار 543 روپے کم ہو کر 3 لاکھ 73 ہزار 487 روپے پر آ گئی۔

عالمی مارکیٹ میں بھی قیمتی دھات کی قیمت نیچے آئی، جہاں فی اونس سونا 18 ڈالر سستا ہونے کے بعد 4 ہزار 96 ڈالر کی سطح پر ٹریڈ کرتا رہا۔ماہرین کے مطابق عالمی مارکیٹ میں قیمتوں میں اتار چڑھاؤ کا براہِ راست اثر مقامی صرافہ بازار پر بھی پڑ رہا ہے، جس کے باعث سونے کے نرخ روزانہ کی بنیاد پر تبدیل ہو رہے ہیں۔