اسلام آباد (نیوز ڈیسک) ملکی صرافہ مارکیٹ میں سونے کی قیمت میں آج مزید اضافہ ریکارڈ کیا گیا، جس کے بعد فی تولہ سونا 400 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کی جانب سے جاری کردہ تازہ اعداد و شمار کے مطابق اضافے کے بعد ایک تولہ سونے کی قیمت بڑھ کر 4 لاکھ 25 ہزار 436 روپے تک پہنچ گئی ہے۔
اسی طرح 10 گرام سونے کی قیمت میں 343 روپے کا اضافہ ہوا، جس کے بعد اس کی نئی قیمت 3 لاکھ 64 ہزار 742 روپے مقرر کی گئی ہے۔
عالمی مارکیٹ میں بھی سونے کی قیمت میں معمولی بہتری دیکھنے میں آئی۔ بین الاقوامی سطح پر فی اونس سونے کی قیمت 4 ڈالر اضافے کے بعد 4 ہزار 30 ڈالر ہو گئی، جس کے اثرات مقامی مارکیٹ پر بھی مرتب ہوئے ہیں۔
