اسلام آباد (نیوز ڈیسک)عالمی منڈی میں خام تیل کی بڑھتی ہوئی قیمتوں کے باعث حکومت پیٹرولیم مصنوعات کی قیمتوں میں اضافے پر غور کر رہی ہے،

جس کے تحت عوام پر اضافی مالی بوجھ پڑنے کا امکان ظاہر کیا جا رہا ہے۔

ذرائع کے مطابق مجوزہ ورکنگ کے تحت پیٹرول کی قیمت میں تقریباً 13 روپے فی لیٹر جبکہ ہائی اسپیڈ ڈیزل کی قیمت میں 14 روپے فی لیٹر تک اضافے کی تجویز زیر غور ہے۔

اطلاعات کے مطابق اگر اس تجویز کی منظوری دی جاتی ہے تو نئی قیمتوں کا اطلاق آج رات 12 بجے سے کیا جا سکتا ہے۔

ذرائع کا کہنا ہے کہ حتمی فیصلہ حکومتی منظوری کے بعد کیا جائے گا، جس کے بعد وزارتِ خزانہ باقاعدہ نوٹیفکیشن جاری کرے گی۔ اس وقت سامنے آنے والی تفصیلات ابتدائی اطلاعات پر مبنی ہیں اور سرکاری اعلان کے بعد ان میں ردوبدل بھی ممکن ہے۔