اسلام آباد (نیوز ڈیسک)ملک بھر میں سونے کی قیمتوں میں اضافے کا سلسلہ دوسرے روز بھی جاری رہا، جس کے نتیجے میں فی تولہ سونا ایک بار پھر ہزاروں روپے مہنگا ہوگیا۔

آل پاکستان جیمز اینڈ جیولرز ایسوسی ایشن کی جانب سے جاری کردہ اعداد و شمار کے مطابق فی تولہ سونے کی قیمت میں آج 12 ہزار 200 روپے کا نمایاں اضافہ ریکارڈ کیا گیا، جس کے بعد نئی قیمت 4 لاکھ 40 ہزار 936 روپے تک پہنچ گئی۔

اسی طرح 10 گرام سونے کی قیمت میں 10 ہزار 459 روپے کا اضافہ ہوا، جس کے بعد اس کی نئی قیمت 3 لاکھ 78 ہزار 31 روپے مقرر کی گئی ہے۔

دوسری جانب عالمی مارکیٹ میں بھی سونے کی قیمتوں میں تیزی دیکھی گئی۔ بین الاقوامی منڈی میں فی اونس سونے کی قیمت 122 ڈالر بڑھنے کے بعد 4 ہزار 185 ڈالر تک جا پہنچی، جس کے اثرات مقامی مارکیٹ پر بھی نمایاں طور پر دیکھنے میں آئے۔

واضح رہے کہ اس سے قبل گزشتہ کاروباری روز بھی سونے کی فی تولہ قیمت میں 9 ہزار 100 روپے کا اضافہ ریکارڈ کیا گیا تھا، جس سے مسلسل دوسرے روز قیمتوں میں نمایاں اضافہ سامنے آیا۔