پشاور (این این آئی)مشیرِ خزانہ خیبر پختون خوا مزمل اسلم نے کہا ہے کہ 16 مارچ کو سرکاری ملازمین کو تنخواہوں و پینشن کی ادائیگی کر دی جائے گی۔

نجی ٹی وی سے گفتگو کرتے ہوئے انہوں نے کہا کہ پیٹرول کی قیمت میں اضافے کے تناسب سے موٹر سائیکل چلانے والوں کو ریلیف دیا ہے۔مزمل اسلم نے کہا کہ صوبے میں رجسٹرڈ موٹرسائیکلوں کی تعداد 16 لاکھ ہے جبکہ موٹر سائیکل مالک کو 2 ماہ کے لیے 2 ہزار 200 روپے ادائیگی کی جائے گی۔انہوں نے کہا کہ خیبر پختوں خوا حکومت 3 اعشاریہ 5 ارب روپے سے زیادہ کی سبسڈی دے گی۔مشیرِ خزانہ کے پی نے کہا کہ ڈیزل کی قیمت میں اضافے کے باوجود بی آرٹی کے کرایوں میں اضافہ نہیں کیا اور حکومت بی آر ٹی کو ایک ارب روپے کی سبسڈی دے گی۔