اسلام آباد (نیوز ڈ یسک) ایرانی ذرائع ابلاغ نے اسرائیلی اور امریکی حملوں میں شہید ہونے والے آیت اللہ سید علی حسینی خامنہ ای کا آخری پیغام سوشل میڈیا پر جاری کر دیا ہے۔
رپورٹس کے مطابق اپنے پیغام میں انہوں نے کہا تھا کہ ایرانی قوم اپنے دینی اور اسلامی اصولوں سے بخوبی آگاہ ہے اور جانتی ہے کہ اسے کس راستے پر چلنا ہے۔ ایرانی میڈیا نے اس پیغام کے ساتھ حضرت امام حسینؓ کا قول بھی نقل کیا، جس میں کہا گیا تھا کہ ’’مجھ جیسا شخص یزید جیسے کی بیعت نہیں کر سکتا۔‘‘دوسری جانب سرکاری میڈیا پہلے ہی آیت اللہ علی خامنہ ای کی شہادت کی تصدیق کرتے ہوئے ملک میں سات روزہ عام تعطیل اور چالیس روزہ سوگ کا اعلان کر چکا ہے۔
ایرانی سرکاری اطلاعات کے مطابق حملوں میں سپریم لیڈر کی بیٹی، داماد اور نواسی بھی شہید ہوئے۔ مزید یہ کہ ان کے مشیرِ اعلیٰ علی شمخانی، وزیر دفاع اور پاسدارانِ انقلاب گارڈز کے سربراہ بھی ان کارروائیوں میں شہید ہونے والوں میں شامل ہیں۔
