اسلام آباد (نیوز ڈیسک): ملک میں سونے کی قیمتوں میں اضافے کا سلسلہ جاری ہے اور آج بھی نرخوں میں دو ہزار روپے سے زیادہ کا نمایاں اضافہ دیکھا گیا ہے۔

آل پاکستان جیمز اینڈ جیولرز ایسوسی ایشن کے جاری کردہ اعداد و شمار کے مطابق فی تولہ سونے کی قیمت میں 2300 روپے کا اضافہ ہوا، جس کے بعد نئی قیمت 5 لاکھ 28 ہزار 562 روپے تک پہنچ گئی ہے۔اسی طرح 10 گرام سونے کی قیمت میں بھی 1972 روپے کا اضافہ ریکارڈ کیا گیا، اور یہ بڑھ کر 4 لاکھ 53 ہزار 156 روپے ہو گئی ہے۔بین الاقوامی مارکیٹ میں بھی سونے کی قدر میں اضافہ دیکھا گیا، جہاں فی اونس قیمت 23 ڈالر اضافے کے بعد 5058 ڈالر تک جا پہنچی ہے۔