اسلام آباد (نیوز ڈیسک) امریکا نے پاکستان کے اہم معدنی منصوبے ریکوڈک کے لیے بھاری مالی معاونت کی منظوری دے دی ہے، جس کے تحت ایک ارب 30 کروڑ ڈالر کا قرض فراہم کیا جائے گا۔

واشنگٹن میں امریکی وزیرِ خارجہ کی صدارت میں ہونے والے ایک اعلیٰ سطحی اجلاس میں اسٹریٹجک معدنیات کی محفوظ ترسیل سے متعلق امور پر غور کیا گیا۔ اجلاس کے دوران عالمی سپلائی چین کو متبادل اور مضبوط بنانے، قابلِ اعتماد نقل و حمل کے ذرائع تیار کرنے اور جدید لاجسٹکس نظام کو فروغ دینے پر اتفاق رائے پایا گیا۔اسی اجلاس کے دوران امریکا کی جانب سے پاکستان کے ریکوڈک منصوبے کے لیے قرض کی منظوری کا اعلان کیا گیا، جسے ملکی معیشت کے لیے ایک اہم پیش رفت قرار دیا جا رہا ہے۔ذرائع کے مطابق یہ مالی سہولت امریکی صدر ڈونلڈ ٹرمپ کے والٹ پروجیکٹ کے تحت فراہم کی جا رہی ہے، جبکہ قرض کی فراہمی امریکی ایکسپورٹ امپورٹ بینک کے ذریعے عمل میں لائی جائے گی۔