اسلام آباد (این این آئی)امپورٹ ایکسپورٹ کیلئے کرنسی ایکسچینج میں رکاوٹیں ختم ہوگئیں، حکومت نے بینکوں کو کرنسی تبادلے کے معاملے میں آزاد کر دیا۔وفاقی وزیر سرمایہ کاری قیصر احمد شیخ نے کہا ہے کہ سرمایہ کاروں کیلئے رکاوٹیں ختم کرنے کیلئے اسٹیٹ بینک ، ایس ای سی پی اور بورڈ آف انویسٹمنٹ میں اصلاحات کی ہیں ۔

یہ کام 40 سال پہلے ہو جانا چاہیے تھا ۔ اسی ہفتے اسٹیٹ بینک اور ایس ای سی پی میں غیرضروری قواعد ختم کئے گئے۔قیصر احمد شیخ نے کہا کہ امپورٹ ایکسپورٹ کیلئے بینکوں کواسٹیٹ بینک سے بہت سی اجازتیں لینا پڑتی تھیں ۔ حکومت پارلیمنٹ سے آسان کاروبار ایکٹ بھی منظور کروا چکی ۔ اگلے مرحلے میں کاروباری افراد کیلئیایف بی آر کی رکاوٹیں ختم کرنے جا رہے ہیں ۔