دوحہ(این این آئی)قطر نے غیر ملکی سرمایہ کاروں، پیشہ ور افراد اور مخصوص اہلیت رکھنے والوں کیلئے دس سالہ طویل المدتی ویزا متعارف کردیا۔
حکام کے مطابق اس ویزا کے تحت اہل افراد کو طویل مدت تک قیام، کاروباری سرگرمیوں اور بعض سہولیات تک رسائی حاصل ہو سکے گی جبکہ درخواست دہندگان کو مقررہ مالی اور پیشہ ورانہ معیار پر پورا اترنا ہوگا۔رپورٹ کے مطابق خلیجی ممالک حالیہ برسوں میں عالمی سرمایہ کاروں اور ماہرین کو متوجہ کرنے کیلئے طویل المدتی رہائشی پروگرام متعارف کرا رہے ہیں، جس سے خطے میں معاشی سرگرمیوں اور سرمایہ کاری کے مواقع میں اضافہ دیکھا جا رہا ہے۔ماہرین کے مطابق اس اقدام سے قطر کی معیشت کو تقویت ملنے کی توقع ہے اور آنے والے وقت میں مزید ممالک بھی اسی طرز کے پروگرام متعارف کرا سکتے ہیں تاکہ عالمی سرمایہ کاری اور ہنر مند افرادی قوت کو اپنی جانب راغب کیا جا سکے۔
