اسلام آباد (نیوز ڈیسک)عالمی اور ملکی مارکیٹ میں سونے کی قیمتوں میں گراوٹ کا رجحان برقرار ہے، اور آج بھی سونے کی قدر میں نمایاں کمی دیکھنے میں آئی ہے۔صرافہ ڈیلرز ایسوسی ایشن کے مطابق فی تولہ سونے کی قیمت میں 21 ہزار 500 روپے کی کمی ریکارڈ کی گئی، جس کے بعد فی تولہ سونا 4 لاکھ 90 ہزار 362 روپے میں فروخت ہو رہا ہے۔

اسی طرح 10 گرام سونے کی قیمت میں 18 ہزار 433 روپے کی کمی ہوئی ہے، جس کے بعد اس کی نئی قیمت 4 لاکھ 20 ہزار 406 روپے مقرر ہوئی۔ چاندی کی قیمت میں بھی کمی دیکھی گئی ہے، جہاں فی تولہ چاندی 601 روپے سستی ہو کر 8 ہزار 405 روپے پر آ گئی ہے۔صرافہ ڈیلرز کے مطابق گزشتہ تین دنوں کے دوران مجموعی طور پر فی تولہ سونے کی قیمت میں 82 ہزار 500 روپے کی بھاری کمی ہو چکی ہے۔