اسلام آباد (نیوز ڈیسک) وفاقی حکومت نے آئندہ سال 2026 کے لیے سرکاری سطح پر منائی جانے والی تعطیلات کی فہرست جاری کر دی ہے۔

نجی ٹی وی چینل کے مطابق کابینہ ڈویژن کی جانب سے اس حوالے سے باضابطہ نوٹیفکیشن جاری کیا گیا ہے، جس میں قومی اور مذہبی مواقع پر تعطیلات کی تفصیلات شامل ہیں۔ اعلامیے کے مطابق یومِ کشمیر 5 فروری جبکہ یومِ پاکستان 23 مارچ کو ملک بھر میں عام تعطیل ہوگی۔نوٹیفکیشن میں بتایا گیا ہے کہ عیدالفطر کے موقع پر 21، 22 اور 23 مارچ 2026 کو سرکاری دفاتر بند رہیں گے۔ اسی طرح یومِ مزدور یکم مئی کو منایا جائے گا اور اس دن بھی سرکاری تعطیل ہوگی، جبکہ یومِ تکبیر کے موقع پر 28 مئی کو عام تعطیل کا اعلان کیا گیا ہے۔

کابینہ ڈویژن کے مطابق عیدالاضحیٰ کے لیے 27، 28 اور 29 مئی 2026 کو مسلسل تین دن سرکاری چھٹی ہوگی۔