اسلام آباد( این این آئی)وفاقی حکومت نے سال 2026 میں سرکاری تعطیلات کا مکمل شیڈول جاری کر دیا ،ملک بھر میں قومی، مذہبی اور بینک تعطیلات شامل ہوں گی، نئے سال میں تقریباً 17 سرکاری تعطیلات ہوں گی جن میں اہم مواقع جیسے یومِ کشمیر، عید الفطر، یومِ پاکستان، یومِ مزدور، عید الاضحی، یومِ آزادی، عید میلاد النبی ۖ، یومِ اقبال، قائدِ اعظم ڈے اور کرسمس شامل ہیں۔5 فروری جمعرات یومِ کشمیر،21 تا 23 مارچ ہفتہ تا پیر عیدِ الفطر،23 مارچ سوموار کویومِ پاکستان،یکممئی جمعہ کویومِ مزدور،27 تا 28 مئی عید الاضحی،28 مئی جمعرات یومِ تکبیر،25 تا 26 جون عاشورہ،14 اگست جمعہ یومِ آزادی،25 اگست منگل عید میلاد النبی ۖ،9 نومبر پیر یومِ اقبال،25 دسمبر جمعہ قائدِ اعظم ڈے اور کرسمس،26 دسمبر ہفتہ کرسمس کے بعد چھٹی صرف مسیحی ملازمین کے لیے ہو گی۔