اسلام آباد(این این آئی)سال 2026میں ہونے والی سرکاری چھٹیوںکا ممکنہ شیڈول سامنے آ گیا ۔دستیاب معلومات کے مطابق نئے سال کی پہلی عام تعطیل 5فروری کو یومِ کشمیر کے موقع پر ہوگی۔ اس کے بعد مذہبی تہوار عیدالفطر کی تعطیلات 21مارچ سے 23مارچ تک متوقع ہیں،یہ تعطیلات ملک بھر میں ہوں گی۔یکم مئی کو یومِ مزدور کے موقع پر ملک بھر میں عام تعطیل ہوگی، جبکہ 28مئی کو یومِ تکبیر کے موقع پر بھی سرکاری چھٹی دی جائے گی۔

عیدالاضحی کے موقع پر 27مئی سے تین روزہ تعطیلات متوقع ہیں، جبکہ اسلامی مہینے محرم الحرام میں 25اور 26جون کو عاشورہ محرم کی تعطیلات ہوں گی۔قومی دنوں کے حوالے سے جشن آزادی کے موقع پر 14اگست کو ملک بھر میں عام تعطیل ہوگی۔ اسی طرح 26اگست کو عید میلادالنبیۖ کے موقع پر اور 9نومبر کو یومِ اقبال کے موقع پر بھی سرکاری تعطیل ہوگی۔سال 2026میں یومِ قائداعظم اور کرسمس کی تعطیلات بھی شامل ہوں گی، تاہم 26دسمبر کو صرف مسیحی ملازمین کیلئے چھٹی ہوگی۔