اسلا م آبا د (نیوز ڈ یسک) پاکستان میں سوزوکی نے اپنی مقبول ہیچ بیک گاڑی سوزوکی کلٹس 2026 کی نئی قیمتوں کا باضابطہ اعلان کر دیا ہے۔کمپنی کی جانب سے جاری کردہ معلومات کے مطابق کلٹس کے تمام ماڈلز اس وقت فوری ڈیلیوری کے لیے پیش کیے جا رہے ہیں، تاہم گاڑی کی دستیابی ہر شہر میں ڈیلرز کے موجودہ اسٹاک سے مشروط ہوگی۔سوزوکی کلٹس کا سب سے مہنگا اور جدید ویریئنٹ AGS (آٹو گیئر شفٹ) ہے، جس کی قیمت 45 لاکھ 91 ہزار 460 روپے مقرر کی گئی ہے۔ اس ماڈل میں 998 سی سی پیٹرول انجن کے ساتھ آٹومیٹک گیئر سسٹم دیا گیا ہے۔

گاڑی میں دو ایئر بیگز، اینٹی لاک بریکنگ سسٹم (ABS)، الائے ویلز، فوگ لائٹس، پاور ونڈوز، پاور اسٹیئرنگ اور پاور سائیڈ مررز جیسے نمایاں فیچرز شامل ہیں۔دیگر ماڈلز کی قیمتوں پر نظر ڈالیں تو سوزوکی کلٹس VXR (مینول) کی قیمت 40 لاکھ 89 ہزار 490 روپے رکھی گئی ہے، جبکہ سوزوکی کلٹس VXL (مینول) 43 لاکھ 59 ہزار 160 روپے میں دستیاب ہے۔ تمام ویریئنٹس میں ایک ہی 998 سی سی انجن استعمال کیا گیا ہے، جو کم ایندھن خرچ اور آسان دیکھ بھال کے لیے جانا جاتا ہے۔آٹو انڈسٹری کے ماہرین کے مطابق کلٹس کا انجن شہری ٹریفک اور روزمرہ کے استعمال کو مدنظر رکھتے ہوئے تیار کیا گیا ہے۔ مینول ماڈلز بہتر کنٹرول اور نسبتاً زیادہ مائلیج فراہم کرتے ہیں، جبکہ AGS ویریئنٹ ٹریفک میں کلچ کے بغیر ہموار اور آرام دہ ڈرائیونگ کا تجربہ دیتا ہے۔گاڑی کے اندرونی حصے میں ایئر کنڈیشننگ، پاور اسٹیئرنگ، پاور ونڈوز اور کی لیس انٹری جیسی سہولتیں شامل ہیں۔ VXL اور AGS ماڈلز میں اضافی طور پر ABS اور الائے ویلز بھی

فراہم کیے گئے ہیں۔ سیکیورٹی کے لیے تمام ویریئنٹس میں انجن اموبلائزر موجود ہے، جبکہ مہنگے ماڈلز میں حفاظتی فیچرز مزید بہتر بنائے گئے ہیں۔ماہرین کا کہنا ہے کہ اگرچہ سوزوکی کلٹس کا اندرونی ڈیزائن سادہ ہے اور ابتدائی ماڈلز میں حفاظتی سہولتیں محدود ہیں، لیکن کم فیول خرچ، بہتر ری سیل ویلیو اور آسان مینٹیننس کی بدولت سوزوکی کلٹس 2026 اب بھی پاکستانی خریداروں کے لیے ایک قابلِ اعتماد اور عملی انتخاب سمجھی جا رہی ہے۔