لاہور (این این آئی) 25دسمبر کو پنجاب بھر میں عام تعطیل کا نوٹیفکیشن جاری کر دیا گیا جبکہ 26 دسمبر کو صرف مسیحی برادری کو عام تعطیل ہوگی۔پنجاب میں بانی پاکستان کے یوم پیدائش 25دسمبر بروز جمعرات عام تعطیل کا اعلان کیا گیا ہے اور 26دسمبر کو صرف مسیحی برادری کو کرسمس کی مناسبت سے عام تعطیل دی گئی ہے۔اس سے قبل وفاقی حکومت نے 25دسمبر بروز جمعرات قائد اعظم کے یوم پیدائش اور کرسمس کی مناسبت سے ملک بھر میں عام تعطیل کا اعلان کیا تھا۔ 25دسمبر کو ملک بھر میں سرکاری اور نجی دفاتر اور بینک بند رہیں گے۔