لاہور( این این آئی)اسٹیٹ بینک آف پاکستان نے منی چینجرز کے لیے غیر ملکی کرنسی کی خرید و فروخت سے متعلق اہم ہدایات جاری کر دی ہیں۔اسٹیٹ بینک کے مطابق نئے سال کے آغاز سے بیرونی کرنسی کا کاروبار نئے نظام کے تحت ہو گا، غیر ملکی کرنسی خریدنے یا بیچنے والوں کی شناخت کی تصدیق نادرا کرے گا، منی چینجرز کو صارف کی بائیومیٹرک کو وزارت داخلہ سے تصدیق کرنے کے پابند کر دیا گیا،منی چینجرز صارفین کی شناخت کرنے والے ہائی ریزولوشن کیمرے لگائیں گے، منی چینجرز کے کیمرے نادرا کے سسٹم سے لنک ہوں گے۔
ای کیپ کے مطابق صارف کی بائیومیٹرک کا نظام وزارت داخلہ کے سسٹم سے منسلک ہو گا،سرکلر میں منی چینجرز کو نئے قوانین پر یکم جنوری سے عملدرآمد کی ہدایات کر دی گئیں ہیں۔ جنرل سیکرٹری ای کیپ نے کہا کہ نئی ہدایات کی روشنی میں ہم نے نادرا کو خط لکھ دیا۔
