اسلام آباد (نیوز ڈ یسک)رواں ماہ کے اختتام پر ملک بھر کے شہری مجموعی طور پر چار روزہ تعطیلات کا لطف اٹھا سکیں گے۔ 25 دسمبر جمعرات کے روز بانیٔ پاکستان قائداعظم محمد علی جناح کا یومِ پیدائش اور کرسمس منائی جائے گی، اس مناسبت سے پورے ملک میں عام تعطیل ہوگی اور تمام سرکاری و نجی دفاتر بند رہیں گے۔ہم نیوز کی رپورٹ کے مطابق، 26 دسمبر جمعہ کے روز بھی مسیحی برادری کے لیے خصوصی چھٹی مقرر کی گئی ہے تاکہ وہ اپنی مذہبی و روایتی سرگرمیوں میں حصہ لے سکیں۔

اس کے بعد ہفتہ اور اتوار کی ہفتہ وار تعطیل شامل کر لی جائے تو شہریوں کو ایک ساتھ چار چھٹیاں میسر آ جائیں گی، جس سے لوگ سفر، گھریلو سرگرمیوں اور اہلِ خانہ کے ساتھ وقت گزارنے کا موقع حاصل کریں گے۔واضح رہے کہ وفاقی حکومت نے رواں سال کی ابتدا میں 2025 کا تعطیلاتی شیڈول جاری کر دیا تھا، جس میں تمام قومی اور مذہبی مواقع کی تعطیلات کی تفصیلات شامل تھیں۔ اسی کیلنڈر کے تحت 25 دسمبر کی ملک گیر چھٹی اور 26 دسمبر کی خصوصی تعطیل پہلے سے طے شدہ تھی۔