کراچی(این این آئی)سونے کے نرخ میں گزشتہ روز اضافہ ہونے کے بعد ایک بار پھر کمی ہو گئی ہے۔گزشتہ روز سونا 3500 روپے مہنگا ہوا تھا جبکہ اس سے ایک روز قبل سونے کے نرخ میں 14 ہزار روپے کی بڑی کمی ہوئی تھی۔جمعرات کو سونے کے فی تولہ نرخ میں ایک ہزار روپے کی کمی ہوئی ہے جس کے بعد فی تولہ قیمت 4 لاکھ 18 ہزار 862 روپے ہو گئی ہے۔

دس گرام سونے کے نرخ میں 857 روپے کی کمی ہونے سے نئی قیمت 3 لاکھ 59 ہزار 106 روپے تک پہنچ گئی ہے۔عالمی مارکیٹ میں سونے کے نرخ میں دس ڈالر کی کمی ہونے سے فی اونس سونا 3965 ڈالر کی سطح پر آ گیا، چاندی کی قیمت 5034 روپے فی تولہ برقرار ہے۔