اسلام آباد(این این آئی)سوئی ناردرن نے گیس قیمت میں اوسطا ً189روپے فی ایم ایم بی ٹی یو کا اضافہ مانگ لیا۔ذرائع کے مطابق اوگرا میں سوئی ناردرن نے درخواست جمع کرادی ہے، جس میں رواں مالی سال کیلئے قیمت میں اضافہ مانگا ہے۔ذرائع کے مطابق سوئی ناردرن نے گیس کی اوسط قیمت 1 ہزار 955روپے 50پیسے مقرر کرنے کی درخواست کی ہے۔

سوئی ناردرن کی موجودہ اوسط گیس قیمت 1ہزار 766روپے 50پیسے فی ایم ایم بی ٹی یو ہے، درخواست کے ذریعے 189روپے کا اضافہ مانگا گیا ہے۔ذرائع کے مطابق درخواست میں 52ارب 95کروڑ روپے ریونیو شارٹ فال کا تخمینہ لگایا گیا ہے۔درخواست میں سوئی ناردرن نے 316روپے 64پیسے فی یونٹ کاسٹ آف ایل این جی سروس مد میں بھی مانگے ہیں۔سوئی ناردرن کی درخواست پر اوگرا میں سماعت 7نومبر کو ہوگی۔