کویت سٹی (این این آئی )کویت میں غیر معمولی طور پر 21 افراد کی کویتی شہریت منسوخ کرنے کا اعلان کردیا گیا ہے، ان میں وہ افراد بھی شامل ہیں جن پر انحصار کرکے شہریت حاصل کی گئی تھی۔غیر ملکی ذرائع ابلاغ کے مطابق پہلے حکم نامے میں کہا گیا ہے کہ تین افراد اور ان لوگوں سے شہریت واپس لے لی گئی ہے، جن کے ذریعے انہوں نے شہریت حاصل کی تھی۔

دوسرے حکم نامے کے مطابق ایک شخص اور اس کے زیر کفالت افراد کی شہریت منسوخ کرنے کا حکم جاری کیا گیا ہے، جبکہ تیسرے حکم نامے میں 17 افراد کی شہریت منسوخ کرنے کا حکم جاری کیا گیا۔