کراچی(این این آئی)ملک میں عالمی مارکیٹ کے زیراثر سونے اور چاندی کی قیمتوں میں مزید کمی ہوگئی۔جیولرز کے مطابق پیرکو24 کیرٹ فی تولہ سونا 1400 روپے سستا ہوکر 4 لاکھ 44 ہزار 900 روپے پر آگیا جبکہ 10گرام سونے کی قیمت 1200 روپے کی کمی سے 3 لاکھ 81 ہزار 430 روپے پر آگئی۔مقامی مارکیٹ میں فی تولہ چاندی کی قیمت 12 روپے کی کمی سے 5261 روپے ہوگئی۔ عالمی مارکیٹ میں 17 ڈالر کم ہوکر فی اونس سونا 4235 ڈالر پر آگیا۔یاد رہے کہ 18 اکتوبر کو بھی پاکستان میں فی تولہ قیمت میں 10 ہزار 600 روپے کی بڑی کمی ہوگئی تھی۔