لاہور (نیوزڈیسک)نجی ٹی وی کے این ایل ای کو گاڑی کی ٹکر سے قتل کرنے کے معاملے میں ملوث ڈی ایس پی کے بیٹے نے اقبال جرم کر لیا۔تفصیلات کے مطابق چند روز قبل نجی ٹی وی کے این ایل ای کو گاڑی سے ٹکر مار کر قتل کرنے والے ڈی ایس پی نوید ارشادکے بیٹے ملزم طلحہ کو پولیس نے باقاعدہ طور پر گرفتار کر کے تھانہ ستوکتلہ میں بندکر دیا ۔ملزم طلحہ نے ایس پی اعجاز شفیع ڈوگر کے سامنے اقبال جرم کرتے ہوئے بتایا کہ رانا بلال اس کی گاڑی کی ٹکر سے ہی جاں بحق ہوا تھا ۔ملزم طلحہ نے مزےد کہا کہ میں تو گاڑی چلا رہا تھا مجھے اندازہ ہی نہیں ہوا کہ حادثہ اچانک یسے ہو گیا ۔ایس پی اعجاز شفیع نے جائے حادثہ اور گاڑی کا معائنہ بھی کیا۔ پولیس کی تفتیشی ٹیم کے مطابق ملزم طلحہ حادثے کے وقت گاڑی کو 130کلومیٹر فی گھنٹہ سے بھی زیادہ تیز چلا رہا تھا ۔جبکہ ذرائع کے مطابق ملزم طلحہ کی گاڑی پر دوران حادثہ مقتول رانا بلال کا خون بھی صاف دیکھا جا سکتا تھا۔اسی حوالے سے ڈی آئی جی آپریشنز ڈاکٹر حیدر اشرف نے نجی ٹی وی سے بات کرتے ہوئے کہا کہ محکمہ پولیس نے وعدہ کیا تھا کہ ہم انصاف کریں گے ااور اللہ کے فضل وکرم سے ہم نے اپنا وعدہ پورا کیا ہے۔ڈاکٹر حیدر اشرف کا کہنا تھاکہ ملزم طلحہ کے خلاف قانون کے مطابق کاروائی ہو گی جس کے مطابق تمام قانونی تقاضوں کو پورا کیا جائے گا ۔یا د رہے کہ ملزم طلحہ کو خود اس کے والد ڈی ایس پی نوید ارشاد نے پولیس کے حوالے کیا تھا ۔ملزم کو آج عدالت میں پیش کیا جائے گا ۔