اسلام آباد (نیوز ڈیسک) گزشتہ ہفتے ملک بھر میں سیمنٹ کی ریٹیل قیمتوں میں اتار چڑھاؤ دیکھنے میں آیا۔ادارہ شماریات کی رپورٹ کے مطابق شمالی شہروں میں سیمنٹ کی فی بوری اوسط قیمت 1382 روپے رہی، جو اس سے پچھلے ہفتے کے مقابلے میں 0.32 فیصد کم ہے۔ اس سے قبل شمالی علاقوں میں فی بوری کی اوسط قیمت 1387 روپے ریکارڈ کی گئی تھی۔

دوسری جانب جنوبی شہروں میں قیمتوں میں اضافہ دیکھا گیا، جہاں فی بوری اوسط ریٹیل قیمت 1449 روپے رہی، جو پچھلے ہفتے کے 1443 روپے کے مقابلے میں 0.40 فیصد زیادہ ہے۔شہری سطح پر جائزہ لیں تو اسلام آباد میں فی بوری سیمنٹ کی اوسط قیمت 1357 روپے، راولپنڈی میں 1361 روپے، گوجرانوالہ میں 1420 روپے، سیالکوٹ میں 1380 روپے، لاہور میں 1443 روپے، فیصل آباد میں 1380 روپے، سرگودھا میں 1370 روپے، ملتان میں 1416 روپے، پشاور میں 1350 روپے جبکہ بنوں میں سب سے کم 1280 روپے فی بوری ریکارڈ کی گئی۔اسی دوران کراچی میں سیمنٹ کی فی بوری اوسط قیمت 1367 روپے، حیدرآباد میں 1427 روپے، سکھر میں 1500 روپے، لاڑکانہ میں 1407 روپے، کوئٹہ میں 1510 روپے اور خضدار میں 1483 روپے تک پہنچ گئی۔