کراچی(این این آئی)ملکی ڈالر ذخائر میں ایک ہفتے میں 26کروڑ ڈالر کی کمی ہوگئی۔سٹیٹ بینک کی جانب سے ملکی زرمبادلہ ذخائر کا ہفتہ وار ڈیٹا جاری کر دیا گیا ہے جس کے مطابق ملکی زرمبادلہ ذخائر کی مجموعی مالیت 16ارب 37کروڑ 20لاکھ ڈالر کی سطح پر آگئی ہے۔

اعدادو شمار کے مطابق اسٹیٹ بینک کے ڈالر ریزرو 22کروڑ 80لاکھ ڈالر کم ہو کر 11ارب 85کروڑ ڈالر رہ گئے۔بینکوں کے ڈالر ڈیپازٹس 3.4کروڑ ڈالر کی کمی سے 4ارب 52کروڑ ڈالر رہ گئے۔ماہرین کے مطابق مرکزی بینک کے ڈالر ذخائر ڈھائی ماہ کی درآمدات کے برابر ہیں۔