کراچی (این این آئی)مرکزی بینک زری پالیسی کا اعلان 31جولائی کو کرے گا۔اسٹیٹ بینک آف پاکستان سے جاری اعلامیہ کے مطابق بینک دولت پاکستان کی زری پالیسی کمیٹی کا اجلاس پیر 31جولائی 2023کو ہوگا جس میں زری پالیسی کا اعلان کیا جائے گا۔اجلاس کے بعد اسی روز گورنر اسٹیٹ بینک جمیل احمد ایک پریس کانفرنس میں زری پالیسی کے فیصلے کا اعلان کریں گے۔خیال رہے کہ 12 جون کو اسٹیٹ بینک آف پاکستان نے نئی مانیٹری پالیسی میں بنیادی شرح سود کو 21 فیصد پر برقرار رکھنے کا فیصلہ کیا تھا۔

اسٹیٹ بینک نے جاری کردہ اعلامیے میں کہا کہ ملک میں مئی میں مہنگائی 38 فیصد رہی ہے، اگر کوئی نادیدہ حالات پیش نہ آئے تو توقع ہے کہ مہنگائی میں کمی آنا شروع ہوگی۔