لاہور(سی پی پی )لاہور میں نویں جماعت کے طالب علم نے اسکول ٹیچر کو قتل کردیا۔تفصیلات کے مطابق ملتان روڈ سندر میں نویں جماعت کے طالب علم نے شکایت لگانے پر اسکول ٹیچر کو قتل اور مقتولہ کی بہن کو زخمی کردیا۔ڈولفن اسکواڈ نے بروقت کارروائی کرکے اٹھارہ سالہ ملزم کو گرفتار کرلیا ہے۔پولیس کے مطابق ملزم رضوان نے اسکول کی بالائی منزل پر اس وقت حملہ کیا جب ٹیچر شگفتہ کلاس کو پڑھاکر
باہر نکل رہی تھی۔چھری کے پے در پے وار سے ٹیچر شگفتہ موقع پر ہی ہلاک جبکہ اس کی بہن شدید زخمی ہوگئی۔اسکول کے پرنسپل اشرف کے مطابق نویں جماعت کے طالب علم ملزم رضوان اور ایک ٹیچر کو تعلقات پر اسکول سے نکال دیا گیا تھا۔اسی رنجش میں رضوان نے حملہ کیا۔ملزم رضوان کو یہ بھی رنج تھا کہ مقتولہ شگفتہ نے اس کے والدین سے بھی شکایت کی تھی۔پولیس کے مطابق مقتولہ تین بچوں کی ماں تھی۔
