اسلام آباد(مانیٹرنگ ڈیسک)عمران خان کی تیسری شادی کے حوالے سے خبریں کئی دن گزرنے کے باوجود اب بھی میڈیا کی زینت بن رہی ہیں ۔ عمران خان کی تیسری شادی پر جہاں ان کے کئی سیاسی مخالفین نے انہیں تنقید کا نشانہ بناتے ہوئے ان پر جملے کسے وہیں اب جمعیت علمائے اسلام (ف)کے سیکرٹری اطلاعات حافظ حسین احمد بھی سامنے آئے ہیں جنہوں نے ایک سینئر صحافی سےگفتگو کے دوران کہا ہے کہ عمران خان دنیا کے تمام شوہروں پر بازی لے گئے ہیں

باقی شوہر نکاح کے بعد ” رن مرید“ ہوتے ہیں جبکہ عمران خان نکاح سے پہلے ہی مرید ہو چکے تھے ،حافظ حسین احمد انتخابی اصلاحات ایکٹ 2017کے خلاف سپریم کورٹ میں دائر درخواستوں پر فیصلہ آنے پر نواز شریف کی پارٹی صدارت سے فراغت پر تبصرہ کرتے ہوئے دور کی کوڑی لاتے ہوئے کہا کہ از شریف کی پارٹی صدارت سے نااہلی کے بعد اگر 28جولائی 2017کے بعدسے اب تک کے فیصلوں کو کالعدم قرار دیا جاتا ہے تو پھر ” اصلی“ وزیر اعظم بھی ” نقلی“ قرار پاتے ہیں۔