اسلام آباد (این این آئی)پمز میں زیر علاج آصف علی زرداری کی طبیعت سنبھل نہ سکی، مثانے کی شدید تکلیف کے باعث یورالوجسٹ میڈیکل بورڈ میں شامل کر لیئے گئے ۔ ذرائع کے مطابق ماہر امراض مثانہ کی نگرانی میں سابق صدر آصف زرداری کا معائنہ کیا گیا ،آصف علی زرداری کے غدود میں غیر معمولی اضافے کی تشخیص ہوئی ہے ۔
ذرائع نے بتایاکہ آصف زداری کی میڈیکل ٹیم میں پیتھالوجسٹ کو بھی شامل کر لیا گیا، سابق صدر کے مزید تشخیصی نمونے حاصل کرنے کا فیصلہ کیاگیا ۔ ذرائع نے بتایاکہ نمونوں کی رپورٹ آنے کے بعد بورڈ مزید طبی سہولیات کا فیصلہ کریگا، تشخیصی رپورٹ کی روشنی میں ادویات میں تبدیلی تجویز کی جائیگی۔
