اسلام آباد(مانیٹرنگ ڈیسک)بھارتی فوج کا جبر کشمیریوں کاجذبہ آزادی کچل نہیں سکتا، جدوجہد آزادی انشاءاللہ کامیاب ہوگی، آرمی چیف جنرل قمر جاوید باجوہ کا یوم یکجہتی کشمیر کے موقع پر پیغام۔ تفصیلات کے مطابق آرمی چیف جنرل قمر جاوید باجوہ کے یوم یکجہتی کشمیر کے موقع پر آئی ایس پی آر کی جانب سے سماجی رابطوں کی ویب سائٹ
ٹویٹر پر جاری پیغام میں کہا گیا ہے کہ بھارتی فوج کا جبر کشمیریوں کا جذبہ آزادی کچل نہیں سکتا،حالات کے جبر اور مشکلات کے باوجود کشمیریوں کی جدوجہد آزادی انشا اللہ کامیاب ہو گی۔آرمی چیف کا کہنا تھا کہ کشمیری برادری اقوام عالم کے جاگنے کی منتظر ہے ۔کشمیری اقوام متحدہ کی قرارداد کے مطابق استصواب رائے چاہتے ہیں ۔
