اسلام آباد (آن لائن) وزیر خارجہ خواجہ آصف نے کہا ہے کہ پاکستان نے افغانستان میں امریکی جنگ کا حصہ بن کر بڑی غلطی کی، جس وجہ سے پاکستان میں دہشتگردی آئی۔ امریکی رویہ اتحادیوں والا نہیں امداد کی معطلی کے بعد اتحاد ختم سمجھتا ہوں۔ پاکستان تنہا نہیں دوسرے اتحادیوں کے آپشنز کو استعمال کرے گا۔ امریکی جریدے کو انٹرویو دیتے ہوئے وزیر خارجہ خواجہ آصف کا کہنا تھا کہ امریکا کے ساتھ ہمارا کوئی اتحاد نہیں ہے امریکا
کا پاکستان کے ساتھ رویہ اتحادیوں والا نہیں ہے۔ امداد کی معطلی کے بعد امریکا سے اتحاد ختم سمجھتا ہوں۔ پاکستان تنہا نہیں دوسرے اتحادیوں کے آپشنز موجود ہیں۔ انہوں نے کہا کہ پاکستان نے افغانستان میں امریکی جنگ کا حصہ بن کر غلطی کی تھی۔ امریکی جنگ کی وجہ سے پاکستان میں دہشتگردی نے جنم لیا۔ امریکا نے دہشتگردی کے خلاف پاکستان کی قربانیوں کا اعتراف نہیں کیا۔ پاکستان اور امریکہ کے درمیان تعلق ستمبر2001سے قائم تھا۔
