اسلام آباد(مانیٹرنگ ڈیسک) مہمند ایجنسی میں بارودی سرنگ کے دھماکے میں 3افراد جاں بحق، 2زخمی، جاں بحق ہونیوالوں میں باپ بیٹا شامل ۔ تفصیلات کے مطابق وفاقی عملداری کے قبائلی علاقے فاٹا کی مہمند ایجنسی میں ہونیوالے بارودی سرنگ دھماکے کے نتیجے میں 3افراد جاں بحق جبکہ 2زخمی ہو گئے ہیں۔ دھماکہ مہمند

ایجنسی کی تحصیل امبار کے علاقے شاقی مینہ میں ہوا۔ جاں بحق ہونیوالے افراد میں میں باپ بیـٹا شامل ہیں ۔ زخمیوں کو باجوڑ ہسپتال منتقل کر دیا گیا ہے جبکہ واقعہ کی اطلاع ملتے ہی امداد ٹیمیں اور سکیورٹی فورسز جائے وقوعہ پر پہنچ چکی ہیں اور علاقے کو گھیرے میں لیکر واقعہ کی تحقیقات شروع کر دی گئی ہیں۔