نیویارک(این این آئی )کورونا وائرس نے دنیا کو اپنی لپیٹ میں لے رکھا ہے، ہلاکتوں کی تعداد ایک لاکھ 9 ہزار تک پہنچ گئی، متاثرہ افراد کی تعداد سترہ لاکھ سے تجاوز کر گئی ہے،غیرملکی خبررساں ادارے کے مطابق دنیا بھر میں کورونا وائرس کی یلغار، 17 لاکھ سے زائد افراد متاثر ہوئے۔ مہلک وائرس سے دنیا بھر میں ہلاکتوں کی تعداد بڑھتی جا رہی ہے، امریکا میں صورتحال انتہائی کشیدہ ہے ، اب تک دنیا میں سب سے زیادہ ہلاکتیں امریکا میں ہوئیں، تعداد 20 ہزار سے تجاوزکر گئی۔

برطانیہ میں بھی ایک ہی دن 917 افراد مارے گئے، تعداد 9 ہزار 875 ہو گئی، فرانس میں مزید 635 ہلاکتیں، تعداد 13 ہزار 832 ہو گئی۔ اٹلی میں مزید 619 ہلاکتیں، تعداد 19 ہزار 468 ہو گئی۔اسپین میں مزید 525ہلاکتیں، تعداد 16 ہزار 606 ہو گئی، ایران میں مزید 125 افراد مارے گئے، تعداد 4 ہزار 357 ہو گئی۔ ترکی میں بھی 95 اموات کے ساتھ تعداد ایک ہزار 101 ہو گئی۔ بیلجئیم 327، نیدرزلینڈ میں 132، کینیڈا میں مزید 84 ہلاکتیں ہوئیں۔‎