ہرات(این این آئی) افغانستان میں امریکی ڈرون حملے میں 35 طالبان اور 40 شہری ہلاک ہوگئے ۔ ڈرون حملوں میں طالبان کمانڈر ملا ننگیالی بھی ہلاک ہوگئے ، ڈرون حملوں کے نتیجے میں زخمی ہونے والے 10 زخمیوں کو حرات کے مقامی اسپتال لایا گیا، ڈرونز نے حکومت کے زیر کنٹرول علاقوں میں رہائشی آبادی کو نشانہ بنایا تاہم حکومت کی جانب سے تاحال ہلاکتوں کی تصدیق یا تردید نہیں کی گئی ہے،افغان خبررساں ادارے کے مطابق ہرات میں

امریکی ڈرون کی جانب سے گھروں پر چارمیزائل داغے جس کے نتیجے میں 75 افراد ہلاک ہوگئے ، ہلاک ہونے والوں میں 35 طالبان اور 40 شہری تھے جن میں خواتین اور بچے بھی شامل ہیں۔ مقامی میڈیا نے دعویٰ کیا کہ ڈرون حملوں میں طالبان کمانڈر ملا ننگیالی بھی ہلاک ہوگئے ۔رپورٹس کے مطابق ڈرونز نے حکومت کے زیر کنٹرول علاقوں میں رہائشی آبادی کو نشانہ بنایا تاہم حکومت کی جانب سے تاحال ہلاکتوں کی تصدیق یا تردید نہیں کی گئی ۔

موضوعات:امریکی ڈرون حملہ