اسلام آباد (این این آئی)وزیراعلیٰ پنجاب کے انتخاب کے حوالے سے سپریم کورٹ کے فیصلے کے بعد چیئرمین پاکستان تحریک انصاف عمران خان نے سوشل میڈیا پر قرآن پاک کی ایک آیت شیئر کی۔

گزشتہ روز سپریم کورٹ نے ڈپٹی اسپیکر پنجاب اسمبلی دوست محمد مزاری کی رولنگ کو غیر آئینی قرار دیتے ہوئے پرویز الٰہی کو وزیراعلیٰ پنجاب نامزد کیا تھا۔اس حوالے سے عمران خان نے سپریم کورٹ کے تین رکنی ججز کا شکریہ ادا کرتے ہوئے کہا تھا کہ

ہر قسم کی دھمکیوں اور دشنام طرازی کے باوجود ثابت قدم رہنے اور آئین و قانون کی بالادستی یقینی بنانے پر اپنے ججز کو خراجِ تحسین پیش کرتا ہوں۔

بعد ازاں عمران خان نے ملک بھر میں اظہار تشکر منانے کا اعلان کیا اور پھر قرآن پاک کی ایک آیت بھی ٹوئٹر پر شیئر کی۔

عمران خان نے قرآن پاک کی سورہ انفال کی آیت نمبر 30 ٹوئٹر پر شیئر کی اور اس کا انگریزی ترجمہ بھی ڈالا کہ انہوں نے اپنا منصوبہ بنایا اور اللہ نے اپنا منصوبہ بنایا، اور اللہ بہترین منصوبہ ساز ہے۔