اسلام آباد (این این آئی)پاکستان تحریک انصاف کے رہنما شاہ محمود قریشی نے کہا ہے کہ دوست مزاری نے آئین کو روندا، اصولوں کی پاسداری نہیں کی، پرویز الٰہی نے اپنے اختیارات عمران خان کو سونپے ہیں۔وزیراعلیٰ پنجاب کے انتخاب کے کیس کے

عدالتی فیصلے پر ردعمل دیتے ہوئے شاہ محمود قریشی نے کہا کہ دوست مزاری نے قانون کا بھی لحاظ نہیں کیا، وہ پی ٹی آئی کے ٹکٹ پر منتخب ہوکر آئے تھے، عدلیہ نے تحمل سے تنقید برداشت کی اور اپنی ذمہ داری نبھائی۔شاہ محمود قریشی نے کہاکہ پرویزالٰہی نے کہا کہ عمران خان کی مشاورت سے چلیں گے، پرویز الٰہی نے اپنے اختیارات عمران خان کو سونپے ہیں۔حکومت نے تاخیری حربے استعمال کرنے کی کوشش کی، وزیر قانون کو روسڑم پر آکر گفتگو کرنے کا کیا اختیار تھا؟ انہوں نے دھمکانے کی کوشش کی۔انہوںنے کہاکہ ثابت ہوگیا پاکستان کی عدلیہ آزاد ہے، حکومت کو پنجاب کی عوام نے 17 جولائی کو مسترد کردیا تھا۔ انہوںنے کہاکہ انصاف کی فتح پر پوری قوم کو مبارک باد دینا چاہتا ہوں،پاکستان کے عوام کے مینڈیٹ کا احترام کیا گیا ہے۔