اسلام آباد (این این آئی)سپارکو نے پاکستان کی پہلی چاند گاڑی کے سرکاری نام کا اعلان کر دیا۔پاکستان کی پہلی قمری گاڑی کا نام جناح-1 رکھ دیا گیا ہے،

یہ نام ملک گیر مقابلے میں موصول تجاویز میں سے منتخب کیا گیا ہے۔سپارکو کے مطابق ملک بھر سے چاند گاڑی کے نام کے لیے 4 ہزار سے زائد تجاویز موصول ہوئیں، جناح-1 نام 7 شرکا نے تجویز کیا اور فاتح کا انتخاب قرعہ اندازی کے ذریعے کیا گیا۔بہاول نگر کے 17 سالہ طیب کریم جناح-1 نام تجویز کرنے والے فاتح قرار پائے ہیں۔چیئرمین سپارکو نے کہا کہ جناح-1 قائدِ اعظم محمد علی جناح کو خراجِ عقیدت ہے،

یہ پاکستان کے عزم، ترقی اور نئے خلائی افق کی علامت ہے۔واضح رہے کہ پاکستان کا پہلا قمری روور 2029 میں چین کے چانگ ای-8 مشن کے ذریعے چاند پر روانہ ہو گا، جناح-1 چاند کے جنوبی قطب پر سائنسی تحقیق کرے گا۔