کراچی(این این آئی)طیاروں کی مرمت کا کام دنوں میں مکمل کرنے کے بجائے سالوں لگا دیئے،پی آئی اے کی آڈٹ رپورٹ میں طیاروں کی گرائونڈنگ سے متعلق سنسنی خیز انکشاف سامنے آگئے ہیں۔پی آئی اے کی آڈٹ رپورٹ کے مطابق طیاروں کی دنوں کی گرائونڈنگ برسوں پر محیط ہونے سے قومی ایئر لائن کو مجموعی طور پر 38 ارب 40 کروڑ روپے کا نقصان اٹھانا پڑا، جہاز عارضی گرائونڈنگ اور شیڈول مین ٹیننس کی وجہ سے گرائونڈ کیے گئے تھے۔

رپورٹ کہ مطابق انتظامیہ نے عارضی گرائونڈنگ اور شیڈول مین ٹیننس کیلئے 19 سے 28 دن وقت مختص کیا تاہم انتظامیہ کی سست روی کے نتیجے میں طیاروں کی 905 دن تک طویل گرائونڈنگ ہوئی۔ذرائع کے مطابق اے ٹی آر کیلئے بھی 24 دن کا وقت مختص کیا گیا لیکن اس پر 905 دن لگے، طویل گرائونڈنگ کے نتیجے میں پی آئی اے کو نقصان اٹھانا پڑا، 16 جنوری کو DAC میٹنگ میں بھی اس بے ضابطگی پر تبادلہ خیال کیا گیا۔