اسلام آباد(این این آئی) محکمہ موسمیات نے ملک بھر میں بارش اور پہاڑوں پر برف باری کے نئے سلسلے کی پیش گوئی کی ہے۔ محکمہ موسمیات کے مطابق مغربی ہواؤں کے سبب جمعے سے ہفتے کے دوران مالاکنڈ، ہزارہ ڈویژن، مری، گلیات، گلگت بلتستان اور کشمیر میں برفباری کا امکان ہے ٗ ڈیرہ غازی خان، ملتان، بہاولپور، ساہیوال اور سکھر ڈویژن
میں چند مقامات پر بارش کا امکان ہے۔محکمہ موسمیات کے مطابق کراچی سمیت سندھ اور مکران کے ساحلی علاقوں میں ہلکی بارش ہوسکتی ہے۔دوسری جانب ہنزہ میں دوسرے روز بھی وقفے وقفے سے برفباری کا سلسلہ جاری رہا اور اب تک چھ انچ تک برف پڑ چکی ہے جبکہ بگروٹ میں بھی برف پڑنے سے موسم مزید سرد ہوگیا۔
