بلاول بھٹو کی غیر موجودگی میں آصفہ بھٹو کی زبردست انٹری پیپلز پارٹی کی قیادت نے بڑے فیصلے کی تصدیق کردی

27  ‬‮نومبر‬‮  2020

اسلام آباد(این این آئی ، آن لائن)وائس چیئرمین پاکستان پیپلز پارٹی یوسف رضا گیلانی نے کہا ہے کہ آصفہ بھٹو زرداری پی ڈی ایم کے ملتان جلسے سے خطاب کریں گی۔ میڈیا سے گفتگو میں پاکستان ڈیموکریٹک موومنٹ کے ملتان جلسے سے متعلق بات کرتے ہوئے انہوں نے کہا کہ 30 نومبر

پیپلز پارٹی کا یوم تاسیس ہے، 30 نومبر کو آصفہ بھٹو زرداری ملتان آئیں گی اور آصفہ بھٹو زرداری پی ڈی ایم کے ملتان جلسے سے خطاب کریں گی۔یوسف رضا گیلانی نے کہا کہ پاکستان پیپلز پارٹی کے چیئر مین بلاول بھٹو زرداری کورونا وائرس کے باعث 30 نومبر کے تاسیسی جلسے میں شریک نہیں ہوسکتے ہیں۔انہوں نے حکومت کی جانب سے ملتان جلسے کے رستوں میں لگائی گئی رکاوٹوں سے متعلق بات کرتے ہوئے کہا کہ حکومت جلسہ روک کر حالات خراب کررہی ہے، 30 نومبر کوجلسہ ہر صورت ہوگا۔یوسف رضاگیلانی نے کہا کہ آصف علی زرداری بھی وڈیو لنک پر جلسے سے خطاب کریں گے۔ دوسری جانب مسلم لیگ ن کی درخواست کے باوجود پاکستان ڈیموکریٹک موومنٹ نے شیڈول کے مطابق ہی 30نومبر کو ملتان میں جلسہ کرنے کا فیصلہ کیا ہے جبکہ پی ڈی ایم قیاد ت نے پشتون تحفظ موومنٹ کے سربراہ محسن داوڑ کو ملتان جلسہ میں شرکت کی دعوت دینے کی پیپلز پارٹی کی درخواست مسترد کردی ہے ۔

محسن داوڑ نے خود بھی آئندہ پی ڈی ایم کے کسی بھی جلسے میں شرکت نہ کرنے کا اعلان کیا ہے ۔ذرائع کے مطابق مسلم لیگ ن کی جانب سے نوازشریف اور شہباز شریف کی والدہ کے انتقال کے باعث ملتان جلسہ 30 نومبر سے آگے بڑھانے کی درخواست کی گئی تھی ۔

والدہ کے انتقال پر نواز شریف نے سیاسی سرگرمیاں معطل کر دی ہیں ۔ نواز شریف ملتان جلسے سے خطاب نہیں کریں گے۔ ذرائع کا کہناہے کہ ن لیگ کی درخواست کے باوجود پی ڈی ایم میں شامل جماعتیں مقررہ تاریخ پر ہی کرنے کو تیار ہیں ۔پیپلز پارٹی کا جلسہ 30 نومبر کو

ہی کرنے کا پلان برقرار ہے ۔پی ڈی ایم قیادت جلسے سے خطاب کرے گی۔ذرائع کا کہنا ہے کہ نوازشریف کی والدہ شمیم اختر کی وفات کے بعد لاہور جلسہ متاثر ہونے کا امکان ہے ۔ذرائع نے مزید بتایا کہ پیپلز پارٹی کی جانب سے محسن داوڑ کو ملتان جلسے میں شرکت کی درخواست کی

تھی تاہم پی ڈی ایم قیادت نے پیپلز پارٹی کی درخواست مسترد کردی ۔محسن داوڑ نے خود بھی ملتان جلسے میں شرکت سے انکار کر دیا۔ محسن داوڑ نے پی ڈی ایم سے بھی لاتعلقی کا اعلان کر دیا ہے ۔

موضوعات:



کالم



مشہد میں دو دن (دوم)


فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…

ہم بھی کیا لوگ ہیں؟

حافظ صاحب میرے بزرگ دوست ہیں‘ میں انہیں 1995ء سے…

مرحوم نذیر ناجی(آخری حصہ)

ہمارے سیاست دان کا سب سے بڑا المیہ ہے یہ اہلیت…

مرحوم نذیر ناجی

نذیر ناجی صاحب کے ساتھ میرا چار ملاقاتوں اور…

گوہر اعجاز اور محسن نقوی

میں یہاں گوہر اعجاز اور محسن نقوی کی کیس سٹڈیز…