اسلام آباد(آن لائن) قومی احتساب بیورو(نیب )نے وزیر اعظم کے مشیر میڈیا یوسف بیگ مرزا کیخلاف تحقیقات کا آغاز کر دیا ہے، یوسف بیگ مرزا پر 2 ارب روپے سے زائد خرد برد و اختیارات کا ناجائز استعمال کا الزام ہے ۔ تفصیلات کے مطابق نیب نے وزیر اعظم عمران خان کے میڈیا مشیر یوسف بیگ مرزا کے خلاف شروع کر دی ہیں اور یوسف بیگ مرزا کی ایم ڈی پی ٹی وی

تعیناتی کا ریکارڈ بھی طلب کر لیا ہے ۔ سابق ایم ڈی پی ٹی وی پر 2 ارب روپے سے زائد خرد برد و اختیارات کے ناجائز استعمال کا الزام ہے ۔نیب دستاویزات کے مطابق یوسف بیگ مرزا 1998 ، 2003 ء ، 2010 میں کس طریقہ کار کے تحت ایم ڈی پی ٹی وی تعینات ہوئے جبکہ نیب نے یوسف مرزا کو بار بار ایم ڈی پی ٹی وی تعینات کرنے والی کمیٹی کی تفصیلات بھی طلب کر لی ہیں ۔