اسلا م آباد(نیوزڈیسک )پاکستان تحریک انصاف کے چیرمین عمران خان نے کہاہے کہ چاراکتوبر کو اسلام آباد میں اب ڈی چوک پر الیکشن کمیشن کے خلاف جلسہ نہیں ہو گا۔اب 9اکتوبر کو لاہور میں الیکشن کمیشن کے خلاف بڑاجلسہ کریں گے ۔پاکستان تحریک انصاف کے چیرمین عمران خان نے پریس کانفرنس سے خطاب کرتے ہوئے کہاکہ 11اکتوبر کو ڈی چوک میں پر امن احتجاج کیا جائے گا۔عمران خان کا اسلام آباد میں پریس کانفرنس کرتے ہوئے کہنا تھا کہ الیکشن کمیشن اور مسلم لیگ (ن) ایک ہیں۔ اب لاہور کے حلقہ این اے 122 کے ضمنی الیکشن میں بھی حکم امتناعی لئے جانے کا امکان ہے۔ انہوں نے الزام عائد کیا کہ شہباز شریف بھی سٹے آرڈر کے ذریعے چار سال تک پنجاب کے وزیراعلیٰ رہے۔ جو جج ان کیخلاف فیصلہ دے اسے فارغ کرا دیتے ہیں۔ کاظم ملک کو وزیروں نے جان کی دھمکیاں دیں۔ عمران خان کا کہنا تھا کہ لڑائی سے بچنے کے لئے 9 اکتوبر کو لاہور میں جلسہ کریں گے، پھر اسلام آباد بھی جائیں گے۔   عمران خان نے کہا کہ لودھراں کے حلقے سے انتخابات ہونے سے 11دن پہلے ن لیگ میدان سے بھاگ گئی۔مسلم لیگ ن کو پتہ تھا کہ لودھراں میں تبدیلی کی ہوائیں چل پڑ ی ہیں اور یہاں پی ٹی آئی کی جیتے گی اس لیے ن لیگ ضمنی انتخاب سے 11دن سٹے آرڈر لے کر سپریم کورٹ کے پیچھے چھپ گئی۔ن لیگ کو میدان چھوڑ کر بھاگنے کی عادت ہے اور سٹے آرڈر کے پیچھے چھپنا ن لیگ کی روایت ہے۔مسلم لیگ ن کوحکومت کا تجربہ نہیں بلکہ اقتدار میں آکر اپنے بزنس بڑھانے کا تجر بہ ہے۔عمران خان کاکہا کہ لاہور کے حلقہ این اے 122کے ضمنی انتخاب کی مہم خود چلاﺅں گا۔ڈر ہے کہ کہیں ن لیگ لاہور کا میدان چھوڑ کر بھی نہ بھاگ جائے۔انہوں نے کہا کہ پرویز رشید مید ان چھوڑکر بھاگنے کا الزام لگا تے تھے اب وہ خودکہاں ہیں ۔عمرا ن خان نے کہاکہ پنجاب حکومت پنجاب پولیس کے بغیرالیکشن نہیں لڑسکتی ۔انہوں نے کہاکہ مسلم لیگ(ن) کوسٹے آرڈرپرحکومت کرنے کامزہ آتاہے ۔عمران خان نے کہاکہ ہم گھبرانے والے نہیں ہیں اورمسلم لیگ(ن) کاہرحلقے میں ڈٹ کرمقابلہ کریں گے ۔

مزید پڑھئے: تحریک انصاف نے گھٹنے ٹیک دئیے