واشنگٹن(این این آئی )بے گناہ امریکی خاتون کو 43 سال بعد جیل سے رہا کردیا گیا۔برطانوی میڈیا کے مطابق 64 سالہ سینڈرا ہیمی 20 سال کی تھیں جب انہیں عمر قید کی سزا سنائی گئی تھی۔ انہیں 1980 میں ایک لائبریری ورکر کے قتل کے الزام میں سزا دی گئی تھی۔

برطانوی میڈیا کے مطابق اس حوالے سے شدید دوا کے اثر میں لیے گئے سینڈرا کے بیان کے علاوہ کوئی ثبوت نہیں تھا، قتل ایک پولیس اہلکار نے کیا تھا جسے بچانے کے لیے سینڈرا کو پھنسایا گیا۔وکلا صفائی کا کہنا تھا کہ سینڈرا امریکی تاریخ میں سب سے طویل عرصے تک ناحق قید رہنے والی خاتون ہیں۔