سلام آباد۔۔۔وفاقی کابینہ کی نجکاری کمیٹی کے اجلاس میں آئل اینڈ گیس ڈویلپمنٹ کمپنی لمیٹڈ (او جی ڈی سی ایل) کے فی شیئر کی فلور پرائس 216 روپے مقرر کرنے کی منظوری دے دی ہے۔اسلام آباد میں نجکاری کمیشن کے دفتر میں نجکاری کمیٹی کا خصوصی اجلاس ہوا جس کی وزیر خزانہ اسحاق ڈار نے دبئی سے ویڈیو لنک کے ذریعے صدارت کی، اجلاس میں او جی ڈی سی ایل کے 10 فی صد حصص کی فلور پرائس مقرر کرنے پر غور کیا گیا جس کے بعد جاری ہونے والے اعلامیے میں کہا گیا ہے کہ حکومت او جی ڈی سی ایل کے 32 کروڑ شیئرز فروخت کرنا چاہتی ہے جس کے فی شیئر کی فلور پرائس 216 روپے مقرر کی گئی ہے جبکہ فلور پرائس پر حصص کی فروخت 7 نومبر تک مکمل ہوجائے گی۔اجلاس میں وزیر پیٹرولیم شاہد خاقان عباسی، وفاقی وزیر اطلاعات پرویز رشید اور وزیر تجارت خرم دستگیر نے بھی شرکت کی۔