اسلام آباد (نیوز ڈیسک) رواں ماہ کے آخری کاروباری روز ملک میں سونے کی قیمت میں مزید کمی آگئی۔آل پاکستان جیمز اینڈ جیولرز ایسوسی ایشن کے مطابق آج سونے کی فی تولہ قیمت 2 ہزار 500 روپے کم ہوئی ہے جس کے بعد ملک میں آج سونے کی فی تولہ قیمت 3 لاکھ 500 روپے ہے۔ ملک میں 10 گرام سونے کی قیمت 2 ہزار 143 روپے کم ہوکر 2 لاکھ 57 ہزار 639 روپے ہے۔

دوسری جانب عالمی بازار میں سونے کی قیمت 24 ڈالر کم ہوکر 2 ہزار 863 فی اونس ہے۔فروری کے مہینے میں سونے کی فی تولہ قیمت میں مجموعی طور پر 8 ہزار 700 روپے اضافہ ہوا جبکہ 10 گرام سونے کی قیمت 7 ہزار 468 روپے بڑھی، عالمی بازار میں سونے کی فی اونس قیمت 71 ڈالر بڑھی ہے۔