اسلام آباد (این این آئی)یوٹیلیٹی سٹورز نے چائے کی پتی کی قیمت میں بھی کمی کردی ۔ذرائع کے مطابق یوٹیلیٹی سٹورز نے چینی کی قیمت میں کمی کے بعد چائے کی پتی کی قیمت میں بھی کمی کردی، یوٹیلیٹی سٹورز پر مختلف برانڈز کی چائے کی پتی 250روپے تک سستی کی گئی ہے، چائے کی پتی کی 800گرام قیمت 200سے 250روپے کم ہوئی ہے،چائے کی پتی کی 800گرام کی نئی قیمت 1350سے لے کر 1721روپے مقرر کی گئی ہے۔

ذرائع کے مطابق چائے کی پتی کی 430گرام کی قیمت میں 130سے لے کر 190روپے کی کمی کی گئی ہے، جس کے بعد نئی قیمت 700سے لے کر 908روپے مقرر کی گئی ہے۔